قالت احبك يا راشد قلت من قدي
هالكلمة هذي تموتني وتحييني
قالت احبك وكانت سبحتي بيدي
من دون ما اشعر بها طاحت من يديني
كنت احسب انه الليالي كلها ضدي
من قبل ماهي تجي في عينها عيني
واليوم عايش معاها في عمر وردي
واموت انا في حبها واتموت اهي فيني
كل مرة تقول لي لو تدري بودي
او تعرف اشقد احبك يا مهنيني
ان كان عشت الدقايق كلها عندي
ما كنت لحظة بلا شوفك تخليني
كانت تنادي باسمي لو هي بحدي
وتحط بعض الحواجز بينها وبيني
واليوم لما تبين سدها وسدي
من دون كلمة حبيبي ما تناديني
الثلاثاء مايو 20, 2008 7:41 pm