زعلت ليه .... أيوه هأشكيك
خلاص دلوقتي .. بأهون عليك
ما أنا ياما أشتكيت .. منك قساوتك
ما أنا ياما بكيت .. وأتمنيت أبتسامتك
زعلت ليه .... أه بأشكيك
علي أد حبي .... أنا بأشكيك
وأسأل نجومي .. ف ضي عينيك
بدل ماتيجي .... بلمسه تداويني
وبشوق ولهفه .. تضم حنيني
رايح تزعل .. إني بأفكرك
ونسيت ليالي ..كنت فيها بأسهرك
نسيت لؤانا يوم ماشفنا بعضنا
نسيت منانا وحلم كان نفسنا
نسيت دموعنا يوم ماقلنا وعدنا
كل الأمال دي مش ليك لوحدك
حلمك وحلمي من يومها ده حلمنا
زعلت ليه ... أه هأشكيك
السنين بتعدي والفرقه بتزيد وتكتر
والقلب داب م الشكوي مابقاش يفكر
رجعنا تاني دلوقتي نندم ع السنين
بعد ما جفت قلوبنا من الحنين
زعلت ليه ... أه هأشكيك
أنا بأشكيك ... سامح أغفر ولين
لسه قلبك بين ضلوعي .. والحنين
عمري معاك مش بأحسبه بالسنين
عمري ده محسوب بدقات الأنين
لو سحبت شكوتي .. هأشكي مين
ولا عايزني تاني .. أشكي الحنين
زعلت ليه ... أه بأشكيك
الثلاثاء مايو 20, 2008 7:08 pm
