أتقابلنا في وسط الناس ..... وعدينا الطريق
وكل واحد جواه أحساس ... . بشوق الصديق
بس النهارده أيه حصل لي
أحساس عجيب أنا ما حستهوش
النهارده زادت دقاتي
والسبب أنا مفهمتوش
هو ده الحب في بدايته
والعين بتقول حكايته
دلوقتي هأسألك سؤال
وهأستني منك أجابته
هي دي قصه لهوانا هتبتدي
ولا حلم ساكن خيالي
ولا نسمه هاديه جايه وهتنقضي
قوليلي وريحي بالي
رايح قول أيه اللي كان
جاني الحب ملاني حنان
أه جاني الحب ملاني حنان
*********
هأستني ردك ياحياتي
بأنتظارك زادت دقاتي
أكتب لي الرد بجواب
بكلمه واحده تنسيني السراب
وأسمحي لي يوم أقابلك
علشان بشعوري أعبر لك
دي بداية القرب منك
بداية الأحساس بإنك
قصه حلوه بأبتديها
ليالي شوق عشت فيها
رايح أقول أيه اللي كان
جاني الحب ملاني حنان
أه جاني الحب ملاني حنان
**********
سيبني أتخيل كلامك
وردك بقولة أه
سيبني أتوه بسلامك
وأتوه وياكي بحياه
وأحكي لكل الناس
وأعيش معاكي أحساس
أما لو كان ردك
حلم وسراب
أو حتي كان
كلمة عتاب
ح أرضي بالقسمه والنصيب
وده عليا مش غريب
بس اللي بأترجاه منك
وبأتمناه إنك
تكون جنبي طول الحياه
أجمل صديقه وفيه
وهنكمل الطريق لمنتهاه
رايح أقول أيه اللي كان
جاني الحب ملاني حنان
أه جاني الحب ملاني حنان
أتقابلنا
الإثنين مايو 19, 2008 8:35 pm
